१ मंसिर २०८३, मंगलबार Tuesday, 17 November 2026
हामीलाई पछ्याउनुहोस्
१ मंसिर २०८३, मंगलबार 10:28 pm
राजनीति

काँग्रेसले स्थानीय तहका जनप्रतिनिधि, राष्ट्रियसभा र प्रदेशसभा सदस्यलाई उम्मेदवार नबनाउने

सूचना प्रेस २०८२ मंसिर १८ बिहिबार ००:००, १२:५७ बजे १ मिनेट पढाइ

काठमाडौं । नेपाली कांग्रेसले आगामी राष्ट्रियसभा र प्रतिनिधिसभा चुनावका लागि कडा मापदण्ड लागू गरेको छ। नयाँ निर्देशअनुसार, २०७९ सालमा स्थानीय तहमा निर्वाचित जनप्रतिनिधि तथा हाल पदमा रहेका राष्ट्रियसभा र प्रदेशसभा सदस्यलाई पुनः उम्मेदवार बनाउन नपाइने भएको हो।

पार्टी कार्यालयका मुख्य सचिव कृष्णप्रसाद पौडेलले जारी गरेको परिपत्रमा मातहतका सबै संरचनालाई यी पदाधिकारीहरूको नाम सिफारिस नगर्न भनिएको छ। आगामी प्रतिनिधिसभा निर्वाचनमा प्रत्यक्षतर्फ तीन जना (कम्तीमा एक महिला) र समानुपातिकतर्फ पनि समावेशीता कायम रहने गरी बढीमा दुई जनाको नाम सिफारिस गर्ने व्यवस्था कांग्रेसले गरेको छ।