काठमाडौँ । विश्वव्यापी प्रविधि कम्पनी याङ्गो ग्रुपले नेपाली बजारमा आफ्ना सेवाहरू विस्तार गर्दै याङ्गो एपमार्फत एक्सप्रेस र कार्गो डेलिभरी समाधान ‘याङ्गो डेलिभरी’ सुरु गरेको छ।
यस सेवाले काठमाडौँभित्र पार्सल ढुवानीका लागि C2C (व्यक्ति–व्यक्ति) र SMB (साना तथा मध्यम व्यवसाय) का लागि सहज र प्रभावकारी समाधान प्रदान गर्छ। अब याङ्गो एपले राइड–हेलिङ र डेलिभरी दुवै सेवाहरू एकै ठाउँमा उपलब्ध गराउँदै काठमाडौँका बासिन्दा तथा आगन्तुकहरूको दैनिक आवागमन र ढुवानी आवश्यकतालाई सरल बनाएको छ।
यस सेवाको सुरुवातसँगै काठमाडौँका प्रयोगकर्ताहरूले अब तीन प्रकारका डेलिभरी विकल्पहरू रोज्न सक्नेछन्ः
– मोटो कुरियरः साना प्याकेज र कागजातका लागि
– कार कुरियरः मध्यम आकारका सामानहरूका लागि
– कार्गोः ठूला तथा भारी सामानहरूका लागि नयाँ विकल्प
शहरी जीवनशैली र साना व्यवसायहरूमा छिटो, सजिलो र भरपर्दो ढुवानीको आवश्यकता बढ्दै गएको सन्दर्भमा, यी नयाँ इन–एप विकल्पहरूले व्यक्ति–व्यक्ति ढुवानी गर्ने प्रयोगकर्ताहरू र शहरभरि सामान सार्न चाहने साना तथा मध्यम व्यवसायहरूलाई सहयोग गर्ने उद्देश्य राख्छ।
“हाम्रो लक्ष्य काठमाडौँमा सामान पठाउने र प्राप्त गर्ने प्रक्रियालाई अझै सहज बनाउनु हो, त्यसका लागि प्रयोगकर्ताहरूले आफ्नो आवश्यकता अनुसार विभिन्न डेलिभरी विकल्पहरू रोज्न सकून् भन्ने सोच राखेका छौँ,” याङ्गो डेलिभरीका दक्षिण एशियाका क्षेत्रीय प्रमुख मोहम्मद अहसान अकबरले भने, “सानो प्याकेज होस् वा ठूलो सामान, प्रक्रिया सरल छ—एप खोल्नुहोस्, उपयुक्त विकल्प छान्नुहोस्, र हाम्रा सेवा साझेदारमार्फत डेलिभरी अनुरोध गर्नुहोस्।”
विभिन्न आवश्यकताका लागि सजिलो विकल्पहरू
यो डेलिभरी सुविधा दैनिक प्रयोगका विविध अवस्थाहरूलाई ध्यानमा राखेर तयार गरिएको हो—कागजात र साना पार्सल पठाउनेदेखि मध्यम आकारका सामान र ठूला खरिद सामग्रीहरू ढुवानी गर्नसम्म। नयाँ रूपमा सुरु गरिएको कार्गो विकल्पले ठूलो सवारी आवश्यक पर्ने ढुवानीलाई सहज बनाउँदै काठमाडौँभित्र भारी तथा ठूला सामान ढुवानी गर्न प्रयोगकर्तालाई थप सुविधा प्रदान गर्छ।
शहरलाई डिजिटल बनाउने प्रविधि
याङ्गो डेलिभरीले रुटिङ र ब्याचिङ एल्गोरिदम प्रयोग गरी ढुवानी प्रक्रियाको कार्यक्षमता बढाउँछ। यस प्रविधिले सवारी साधनको अधिकतम उपयोग सुनिश्चित गर्दै ट्राफिक अवस्थाको बाबजुद पनि समयमा डेलिभरी हुने दर सुधार गर्छ। याङ्गो डेलिभरीमार्फत पठाइएका सबै प्याकेजहरू लाइभ–ट्रयाकिङ टुल मार्फत ट्रयाक गर्न सकिन्छ, जसले सेवा साझेदार कुरियर र उपभोक्ता दुवैका लागि पारदर्शिता सुनिश्चित गर्छ।
यस सेवाले आफ्नै सवारी वा कुरियर सञ्चालन गर्दैन। यसको मुख्य उद्देश्य स्थानीय नेपाली यातायात कम्पनीहरूलाई डिजिटल सहयोग प्रदान गर्नु र अन्तिम माइल कनेक्टिभिटीमा प्रविधिमार्फत उनीहरूको कार्यक्षमता सुधार गर्नु हो। याङ्गोले आफ्ना साझेदारहरूलाई राइड–हेलिङ र डेलिभरी दुवै क्षेत्रमा सेवा विविधीकरण गर्न सहयोग गर्दै साझेदार चालकहरूका लागि आम्दानीका थप अवसरहरू सिर्जना गर्न मद्दत गर्छ। याङ्गो डेलिभरीको लक्ष्य काठमाडौँमा द्रुत डेलिभरी सेवाको पहुँच बढाउँदै दैनिक आवश्यकताका लागि सहज, भरपर्दो र विश्वसनीय विकल्प प्रदान गर्नु हो।
याङ्गो ग्रुपले मे २०२५ मा ‘याङ्गो’ नामक सिटी सर्भिसेस एप सुरु गर्दै नेपाली बजारमा प्रवेश गरेको हो। काठमाडौँमा परीक्षण चरणका क्रममा राइड–हेलिङ सेवा एपभित्र उपलब्ध पहिलो सेवा बनेको थियो। अहिले याङ्गो एपले राइड–हेलिङ र डेलिभरी दुवै सेवाहरू एकै प्लेटफर्ममा उपलब्ध गराउँदै काठमाडौँका बासिन्दा र आगन्तुकहरूको दैनिक आवागमन तथा ढुवानी आवश्यकतालाई सरल बनाएको छ।
