गोरखा । राष्ट्रिय युवा संघ नेपाल गोरखाले निर्वाचन क्षेत्र नं. १ र २ मा युवाहरूलाई संगठित र प्रभावकारी रूपमा परिचालन गर्ने उद्देश्यले Quick Response Team (QRT) गठन गरेको छ।
आसन्न निर्वाचनलाई लक्षित गर्दै संघले वडा–केन्द्रित संरचना निर्माण गरी प्रत्येक नगरपालिका तथा गाउँपालिकामा जिम्मेवार युवाहरू तोकेको हो। संघका केन्द्रीय सदस्य एवम युवा नेता प्रविण अधिकारीका अनुसार QRT टोलीले पार्टीको विङ्सका रूपमा काम गर्दै टोल–टोल र वडाबाट नियमित रिपोर्टिङ गर्नेछ भने आवश्यक परेमा तत्काल परिचालन हुनेछ।
निर्वाचन क्षेत्र नं. १ अन्तर्गत गोरखा नगरपालिका, शहीद लखन गाउँपालिका, गण्डकी गाउपालिका, भिमसेन थापा गाउपलिका आरुघाट गाउँपालिका, धार्चे गाउँपालिका र चुमनुब्री गाउँपालिकाका सबै वडाहरूमा QRT को जिम्मेवारी तोकिएको छ ।
निर्वाचन क्षेत्र न-२ अन्तर्गत गोरखा न पा , पालुङटार न पा, सिरान्चोक गा पा, अजिरकोट गा पा र बारपाक सुलिकोट गा पा का सबै वडाहरुमा QRT को जिम्मेवारी तोकिएको छ ।
संघले गठन गरेको उक्त टोलीले निर्वाचन अभियानलाई थप व्यवस्थित, अनुशासित र सक्रिय बनाउने अपेक्षा गरिएको जनाएको छ। साथै, युवाहरूको भूमिकालाई सशक्त बनाउँदै संगठनलाई तल्लो तहसम्म मजबुत बनाउने लक्ष्यसमेत राखिएको छ।
राष्ट्रिय युवा संघ नेपाल गोरखाले निर्वाचन मा युवा शक्ति एकजुट र तयारी अवस्थामा रहेको सन्देश दिएको छ।
