काठमाडौं । पूर्वप्रधानमन्त्री तथा एमाले अध्यक्ष केपी शर्मा ओली पक्राउविरुद्ध शनिबार बिहानैबाट काठमाडौंमा विरोध प्रदर्शन भइरहेको छ ।
एमालेको २३ वटा जनवर्गीय संगठनहरूले काठमाडौंको च्यासल, माइतीघर, बबरमहल क्षेत्रमा सरकारविरुद्ध नाराबाजी गरेका हुन् । उनीहरूले माइतीघर क्षेत्रमा टायर बालेर प्रदर्शन गर्ने क्रममा प्रहरीले हस्तक्षेप गर्दै लाठीचार्ज समेत गरेको छ । एमाले कार्यकर्ताहरूले प्रदर्शन जारी राखिरहेका छन् ।
