काठमाडौं । राष्ट्रिय स्वतन्त्र पार्टीले नेता, कार्याकर्तालाई सिंहदरबारमा अनावश्यक भिड नगर्न निर्देशन दिएको छ ।
आज बसेको संसदीय दलको बैठकले मन्त्रिपरिषद्को कार्यालय र मन्त्रालयहरूमा अनावश्यक रुपमा नजान र भिडभाड नगर्न केन्द्रीय सदस्य, सांसद र पार्टीका सदस्यहरूलाई निर्देशन दिएको हो।
बैठकमा सभापति रवि लामिछानेले आफन्त र साथीभाईलाई नियुक्ति दिलाउन नलाग्न पनि आफ्ना मन्त्री र सांसदहरूलाई निर्देशन दिएका थिए।
