प्रमुख प्रतिपक्षी नेपाली कांग्रेसले प्रधानमन्त्री बालेन शाह प्रतिनिधि सभा बैठकमा उपस्थित हुनुपर्ने बताएको छ।
आज प्रतिनिधि सभा बैठक सुरू भएपछि सचेतक निश्कल राईले बोल्दै प्रधानमन्त्री बैठकमा उपस्थित हुनुपर्ने र नभएसम्म सदन चल्न नसक्ने बताएका हुन्।
‘प्रश्नबाट भाग्ने प्रवृत्ति लोकतन्त्रका लागि शुभ संकेत होइन,’ उनले भने, ‘सदनको गरिमा जोगाउने र सरकारलाई सदनप्रति उत्तरदायी बनाउने प्रमुख जिम्मेवारी सभामुखको हो। यस विषयमा सभामुख गम्भीर बन्नुपर्छ, यदि प्रधानमन्त्रीज्यू उपस्थित हुनु भएन भने हाम्रो विरोध जारी रहनेछ।’
