सुकुमबासी बस्तीबाट विस्थापित एक जनाको मृत्यु

काठमाडौँ : सुकुमबासी बस्तीबाट विस्थापित भेषबहादुर दर्जीको मृत्यु भएको छ । कीर्तिपुरको होल्डिङ सेन्टरमा बसिरहेका उनको बिहीबार वीर अस्पतालको आईसीयूमा उपचारका क्रममा मृत्यु भएको हो ।

दर्जीको मृत्यु भएको वीर अस्पतालले जानकारी दिएको छ ।  दर्जीको स्वास्थ्यमा समस्या आएपछि परिवारले उपचारका लागि वीर अस्पताल लगेको थियो । अस्पताल पुग्दा दर्जीको फोक्सोमा पानी जमेको चिकित्सकले बताएका थिए । उनी लामो समयदेखि फोक्सो सम्बन्धी रोगका बिरामी रहेको परिवारले जनाएको छ ।