३ मंसिर २०८३, बिहिबार Thursday, 19 November 2026
हामीलाई पछ्याउनुहोस्
३ मंसिर २०८३, बिहिबार 9:35 am
खेलकुद

पाराग्वेसँग पराजित भएसँगै टर्कीको विश्वकप यात्रा समाप्त

सूचना प्रेस २०८३ असार ६ शनिबार ००:००, १३:४२ बजे १ मिनेट पढाइ

काठमाडौं । फिफा विश्वकपमा टर्कीको यात्रा समूह चरणबाटै टुंगिएको छ। समूह ‘डी’ अन्तर्गत शनिबार बिहान भएको दोस्रो खेलमा पाराग्वेसँग १–० ले पराजित भएपछि टर्की अन्तिम १६ मा पुग्ने सम्भावनाबाट बाहिरिएको हो।

सान फ्रान्सिस्को बे एरिया स्टेडियममा भएको प्रतिस्पर्धामा पाराग्वेका माटियास गालार्जाले खेल सुरु भएको करिब एक मिनेट नपुग्दै गरेको गोल नै निर्णायक बन्यो।

पहिलो हाफको अतिरिक्त समयमा पाराग्वेका फरवार्ड मिगुएल अल्मिरोन रातो कार्ड खाँदै मैदानबाट बाहिरिएपछि टोली १० खेलाडीमा सीमित भएको थियो। संख्यात्मक रूपमा अग्रता पाए पनि टर्कीले त्यसको फाइदा उठाउन सकेन र बराबरी गोल गर्न असफल रह्यो।

यसअघि उद्घाटन खेलमा अस्ट्रेलियासँग २–० ले पराजित भएको टर्की लगातार दोस्रो हारपछि प्रतियोगिताबाट बाहिरिएको हो। यता, पहिलो खेलमा अमेरिका विरुद्ध ४–१ को हार बेहोरेको पाराग्वेले भने यस जितसँगै प्रतियोगितामा पुनरागमन गरेको छ।