काठमाडौँ : राप्रपाका अध्यक्ष राजेन्द्र लिङ्देनले आवश्यकता अनुसार युवाहरूलाई पार्टीले महत्त्व दिएको बताएका छन् । काठमाडौँ जिल्लाको अगुवा कार्यकर्ता भेलालाई सम्बोधन गर्दै ३६ वर्षको हुने बित्तिकै सबै बालेन शाह नहुने टिप्पणी गरे ।
उनले भने, ‘युवा मात्रै सबै कुरा होइन रहेछ। युवा हुने बित्तिकै, ३५–३६ वर्षको हुने बित्तिकै सबै बालेन शाह हुँदैन। ३५–३६ वर्षको हुने बित्तिकै सबै बालेन शाह हुने अथवा अहिले संसारमा ९३–९४ वर्षका मानिसहरू पनि राष्ट्रपति छन्। ८० वर्षको डोनाल्ड ट्रम्प महाशक्ति राष्ट्र अमेरिकाको राष्ट्रपति हुनुहुन्छ । ८० वर्षको मान्छेले देश चलाईरहेको छ, संसार हाँकिरहेको छ भनेर ८० वर्षका सबै डोनाल्ड ट्रम्प पनि हुँदैनन्। त्यसकारण उमेर मात्रै सबै कुरा होइन ।’
उनले पार्टीमा केही थरीले अध्यक्षले मान्छेलाई कारबाही गरेकै कारणले छाडेको भन्ने आरोपमा सत्यता नभएको बताए। उनले थपे, ‘यो झन्डै ५ वर्षको कार्यकालमा पाँच जना मान्छे पार्टीबाट हामीले कारबाही गरेको मान्छेको नाम भनौँ न को को हो? त्यसै भनेर हुन्छ? धेरै मान्छेहरू जसले आफ्नै निर्वाचनमा आफै पार्टीको जिम्मेवार पदमा थियौ। आफ्नै निर्वाचन क्षेत्रमा बागी उम्मेदवार उठाएर हिँड्ने, उनीहरूलाई त हामीले कारबाही गरेनौँ, त्यतिबेलै निकाल्नुपर्ने। त्यो त पर्खेर बस्यौँ, कसलाई कारबाही गरेको छ ?’
