१ मंसिर २०८३, मंगलबार Tuesday, 17 November 2026
हामीलाई पछ्याउनुहोस्
१ मंसिर २०८३, मंगलबार 9:52 pm
विश्व

अमेरिका भ्रमणमा जाँदै इजरायली प्रधानमन्त्री

सूचना प्रेस २०८३ असार ३१ बुधबार ००:००, १७:१८ बजे १ मिनेट पढाइ

जेरुसलेम । इजरायलका प्रधानमन्त्री बेन्जामिन नेतान्याहु शनिबार अमेरिका भ्रमणमा जाने भएका छन् । एक वरिष्ठ इजरायली अधिकारीलाई उद्धृत गर्दै अन्तर्राष्ट्रिय समाचार संस्था रोयटर्सले बुधबार उक्त कुराको जानकारी दिएको हो ।

ती अधिकारीका अनुसार नेतान्याहुले अमेरिकी राष्ट्रपति डोनाल्ड ट्रम्पसँग भेट गर्ने इच्छा राखेका छन् । तर दुवै नेताबिच भेटवार्ता हुने वा नहुनेबारे अझै निश्चित भइसकेको छैन । पश्चिम एसियामा जारी पछिल्लो द्वन्द्वका क्रममा इजरायल दुई मोर्चामा सक्रिय रहेको छ ।

अमेरिकासँग मिलेर इरानविरुद्धको सैन्य अभियानको साथै इजरायल इरान समर्थित हिजबुल्लाह समूहविरुद्ध लेबनानमा पनि लडिरहेको छ । गत महिना अमेरिका र इरानबिच भएको अन्तरिम सहमति अन्तर्गत इरानले लेबनानमा जारी युद्ध अन्त्य हुनुपर्ने माग गरेको थियो । तर अमेरिका र इरानबिच पुनः सैन्य भिडन्त सुरु भएपछि उक्त सहमति प्रभावहीन बनेको बताइएको छ ।