काठमाडौँ । सरकारले बुधबार बसेको मन्त्रिपरिषद् बैठकका निर्णय सार्वजनिक गरेको छ।
सरकारका प्रवक्ता सस्मित पोखरेलले बैठकले विभिन्न सात वटा निर्णय गरेको जानकारी दिएका छन्।
बैठकका निर्णयमा प्रशासनिक नियुक्ति, संस्थागत व्यवस्थापन तथा समसामयिक सरकारी कामकारबाहीसँग सम्बन्धित विषय समेटिएका छन्।
निर्णयहरू :
-तथ्यांक पहिलो संशोधन नियमावली २०८३ स्वीकृत गर्ने ।
-लगानी बोर्डको प्रमुख कार्यकारी अधिकृत पदमा यांकी उक्याब काठमाडौँलाई नियुक्ति गर्ने।
-नेपाल इन्टरमोडल यातायात विकास समिति गठन आदेश २०५४ खारेज गर्ने र नेपाल इन्टरमोडल यातायात विकास समितिलाई नेपाल पारवहन तथा गोदाम व्यवस्था कम्पनी लिमिटेडसँग गाभ्न स्वीकृति दिने ।
-पशु बधशाला र मासु जाँच ऐन २०५५ चरणबद्ध रूपमा नेपाल राज्यभर लागू गर्ने ।
-बालबालिका सम्बन्धी पहिलो संशोधन विधेयक २०८३ संघीय संसद् समक्ष पेस गर्न स्वीकृति प्रदान गर्ने।
-विश्वविद्यालय अनुदान आयोगमा रिक्त रहेको अध्यक्ष पदमा प्राध्यापक डाक्टर खड्गबहादुर केसी पर्वत र सचिव पदमा प्राध्यापक डाक्टर रोजेश श्रेष्ठ भोजपुरलाई नियुक्ति गर्ने ।
सुनसरी र सिराहा जिल्लामा भएको प्रदर्शनका क्रममा मृत्यु हुने र घाइतेहरूलाई क्षतिपूर्ति, राहत, उपचारको व्यवस्था गर्ने ।
