रोल्पा । रोल्पामा फेरि ठूलो पहिरो गएको छ ।
सुनछहरी गाउँपालिका- २ फलबाङमा पहिरोले घर पुरिँदा तीन जना बेपत्ता भएका हुन् ।
आज बिहान सवा ८ बजेतिर स्थानीय वीरबहादुर घर्ती मगरको घर पहिरोले पुर्दा वीरबहादुर, उनकी श्रीमती शनी घर्ती मगर र छिमेकी लली घर्ती मगर बेपत्ता भएका हुन् ।
हिजो मात्रै रोल्पाको थबाङ गाउँपालिका–५ उवा कोटलबारामा पहिरोमा परेर १० जनाको मृत्यु भएको थियो भने ३ जना अझै बैपत्ता छन्।
