काठमाडौं । नेपाल एसिसी महिला टी २० च्याम्पियनसिपको सेमिफाइनलमा प्रवेश गरेको छ। मलेसियामा जारी प्रतियोगिता अन्तर्गत सोमबार समूहको आफ्नो तेस्रो खेलमा बहराइनलाई ८ विकेटले हराउँदै नेपाल एक खेल अगाडिनै अन्तिम चारमा प्रवेश गरेको हो। पहिला ब्याटिङ गरेको बहराइनले ७ ओभरमा घटाइएको खेलमा नेपाललाई १५ रनको लक्ष्य दिएको थियो । नेपालले ३ ओभर ४ बलमा २ विकेट गुमाएर पूरा गर्यो।
त्यसअघि पहिले ब्याटिङ गरेको बहराइनले निर्धारित ७ दशमवल १ ओभरमा ६ विकेट गुमाएर १४ रन बनाएको थियो। वर्षाको कारण खेल छोट्याइको थियो।
समूह ‘बी‘ मा रहेको नेपाल शीर्ष स्थानमा रहेको छ। नेपालले ३ खेलमा ६ अंक जोडेको छ। नेपालले अन्तिम खेलमा भोलि हङकङसँग खेल्नेछ।
आजै भएको अर्को खेलमा युएईले आयोजक मलेसियालाई ३१ रनले पराजित गरेको छ।
