काठमाडौं । नेकपा एमालेका अध्यक्ष केपी शर्मा ओलीले अर्थमन्त्री जनार्दन शर्मामाथिको छानबिन पुरा नभएको बताउनुभएको छ । तुलसीलाल अमात्यको २५ औँ स्मृति दिवसका अवसरमा आज आयोजित समारोहमा अध्यक्ष ओलीले त्यस्तो बताउनुभएको हो ।
कार्यक्रममा उहाँले भन्नुभयो, भ्रष्टाचारको केस लाग्या छ, छानबिन समितिमा आफ्नै बहुमत राख्या छ, छानबिन गर्न दिएकै छैन, छानबिन भएकै छैन । कल डिटेल हटाएको छ । सिसिटिभीको फुटेज मेटाएको छ, रिभाइभ गर्दा देखिँदैन बुझिँदैन । अनि सफाइ पायो कि सफाइ पायो ।’
कहाँबाट सफाइ पायो ? कल डिटेल नलिएर, लिन नदिएर गठबन्धनवालाहरूले,’उहाँले भन्नुभयो ।
नेपाली जनताको नैतिकता र विवेकमाथि ठूलै हमला भएको पनि अध्यक्ष ओलीको टिप्पणी थियो। उहाँले भन्नुभयो, यत्रो विवादमा फसेको व्यक्ति फेरी मन्त्री बनाएको छ। यो गठबन्धनसँग अर्को मान्छे पनि रहेनछ । ’
