झापाका किसानले बेमौसमी वर्षाबाट धानबालीमा पुगेको क्षतिको राहत अझै पाउन सकेका छैनन् । गत वर्ष विसं २०७८ असोजमा वर्षासहित आएको हावाहुरीले धानबालीमा क्षति पु¥याएपछि सरकारले कृषकलाई राहत दिने घोषणा गरेको थियो । आफूहरूले हालसम्म सरकारबाट राहत नपाएको शिवसताक्षी–६ धौलेचोकका कृषक लक्ष्मीप्रसाद भण्डारीले बताउनुभयो । अविरल वर्षाका कारण झापामा ५१ हजार आठ सय ४५ किसानको धानबालीमा क्षति भएको जिल्ला कृषि ज्ञान केन्द्र झापाको तथ्याङ्कमा उल्लेख छ ।
अविरल वर्षाको कारण यहाँको २१ हजार नौ सय २१ हेक्टर क्षेत्रफलमा लगाइएको धानबालीमा क्षति पुगेको थियो । जिल्ला कृषि ज्ञान केन्द्र झापाको तथ्याङ्कअनुसार झापाका १५ वटै पालिकामा वर्षाले क्षति पु¥याएको थियो । वर्षाका कारण झापामा ३७ करोड ६४ लाख ३२ हजार दुई सय सय ९१ रुपैयाँ बराबरको क्षति भएको जिल्ला कृषि ज्ञान केन्द्र झापाका निमित्त प्रमुख सागर विष्टले बताउनुभयो । कृषकलाई राहत रकम उपलब्ध गराउन अर्थ मन्त्रालयलाई पटकपटक आग्रहसहित पत्र पठाए पनि हालसम्म अर्थ मन्त्रालयले बजेट नपठाउँदा किसानलाई राहत रकम उपलब्ध गराउन नसकिएको उहाँको भनाइ छ ।
