काठमाडौं । नवौँ राष्ट्रिय खेलकुद अन्तर्गत एथलेटिक्सको महिला १००मिटर दौडमा आर्मीकी सरस्वती चौधरीले राष्ट्रिय कीर्तिमानसहित स्वर्ण जितेकी छिन् ।
शनिवार पोखरा रंगशालामा भएको दौडमा हिटमा कीर्तिमान बनाएकी लुम्बिनी प्रदेशकी निशा चौधरीलाई पछि पार्दै ओलम्पियन सरस्वतीले स्वर्ण जितिन् ।
हिटमा १२।१० सेकेन्डमा निर्धारित दूरी पुरा गरेकी निशाले फाइनलमा आफ्नो टाइमिङलाई निरन्तरता दिन नसक्दा सरस्वतीले १२।१३ सेकेन्डमा निर्धारित दूरी पुरा गर्दै नयाँ राष्ट्रिय कीर्तिमान बनाइन् ।
यसअघि यो कीर्तिमान देवीमाया पनेरुको नाममा थियो। उनले सन् १९९९ को दक्षिण एसियाली खेलकुद ९साग० मा १२।१९ सेकेन्डमा सय मिटर दौड पूरा गरेर कीर्तिमान बनाएकी थिइन्।
