काठमाडौं । नेकपा एमालेको चुनावी घोषणापत्र तयारीका क्रममा नेकपा एमालेका अध्यक्ष केपी शर्मा ओली आज ललितपुरको लाँकुरी भन्ज्याङ पुग्नुभएको छ ।
घोषणापत्रमा प्राप्त सुझावहरूसहित अध्यक्ष ओली र नेताहरू छलफलका लागि द टेरेसेस रिसोर्टमा पुग्नुभएको हो ।
अध्यक्ष ओलीसँगै महासचिव शंकर पोखरेल, उपमहासचिव विष्णु रिमाल, पुनर्निर्माण प्राधिकरणका पूर्व कार्यकारी निर्देशक सुशील ज्ञवाली लगायतका विज्ञ समेत घोषणापत्र मस्यौदाका लागि लाँकुरी भन्ज्याङ पुग्नुभएको छ ।
