काठमाडौं । नेकपा (एमाले) अध्यक्ष केपी शर्मा ओलीसँग फोनमा कुराकानी गर्नका लागि एक लाख १३ हजार ४ सय ७७ जनाले नाम र नम्बर टिपाएका छन्।
ओलीले एकैदिन १ लाख १३ हजार ४ सय ७७ जनाले नाम र नम्बर टिपाएको फेसबुकमार्फत् जानकारी दिनुभएको छ ।
‘हालसम्म १ लाख १३ हजार ४ सय ७७ जनाले नाम र नम्बर टिपाउनु भएको छ। यो उत्साहपूर्ण सहभागिताले खुसी छु। धेरै नाम आएकोले नाम टिपाउने समय भोलि दिउसो १२ बजेसम्म मात्र निर्धारण गरेका छौं। नाम र नम्बर त टिपाउनु भयो नि ? ’अध्यक्ष ओलीले लेख्नुभएको छ ।
ओलीले आफूसँग कात्तिक ४ गते कुराकानी गर्नका लागि नाम र नम्बर आफ्नो फेसबुक पेजमा पठाउन बुधबार सामाजिक सञ्जालमार्फत आह्वान गर्नुभएको थियो ।
