झापा । नेकपा एमालेका अध्यक्ष केपी शर्मा ओलीले आगामी निर्वाचनमा एमालेले अधिकांश स्थानको सिट जित्ने दाबी गर्नुभएको छ।
आज झापाको धुलाबारीमा राप्रपा र एमालेले आयोजना गरेको संयुक्त कार्यकर्ता भेलामा बोल्दै अध्यक्ष ओलीले प्रत्यक्ष १०० र समानुपातिकमा ५० सिट जित्ने बताउनु भएको हो ।
अध्यक्ष ओलीले एमालेको पक्षमा जनलहर, गुट नभएको र सरकारमा छँदा गरेका कामले एमालेको पक्षमा माहोल रहेको बताउनुभयो । उहाँले भन्नुभयो, ‘यो वर्तमान सरकार दुई दिनको घामछाँया जस्तै हो । म्यादी प्रहरीको भन्दा छोटो छ समय । मंसिर ४ आयो कि गठबन्धन सरकार गयो ।’
उहाँले कांग्रेससँग चुनावी घोषणापत्रमा लेख्ने कुनै एजेण्डा समेत नभएको बताउनुभयो ।
