काठमाडौं । नेकपा (एमाले)का अध्यक्ष केपी शर्मा ओली आज बिहान दार्चुलाको चुनावी सभामा सहभागी हुनुहुदैछ । आउँदो मंसिर ४ गते हुने प्रतिनिधिसभा र प्रदेशसभा सदस्य निर्वाचनका एमालेको चुनावी अभियान सुरु गर्न उहाँ आज दार्चुला जाने कार्यक्रम रहेको नेकपा एमालेले जनाएको छ । अध्यक्ष ओलीले गुमेको भूमी नक्सामा समेटिएको जिल्ला दार्चुलाबाट चुनावी आमसभा सुरु गर्न लाग्नुभएको हो ।
अध्यक्ष ओलीले आज बिहान ११ बजे दार्चुला सदरमुकाम खलंगामा आमसभालाई सम्बोधन गर्ने कार्यक्रम तय भएको छ । अध्यक्ष ओली आजै दिउँसो २ बजे बैतडी र अपराह्न ४ बजे कञ्चनपुरमा पार्टीको चुनावी अभियानमा सहभागी हुने बताइएको छ ।
बिहीबारदेखि चुनावी प्रचारप्रसार गर्न खुला गरिएको छ । त्यससँगै दल र नेताहरू चुनावी सभामा केन्द्रित हुन थालेका छन् ।
