नागरिकता विधेयक र प्रधानमन्त्रीको भारत भ्रमणमा उठेका अभिव्यक्तिमा एकै ठाउँमा उभिए प्रतिपक्षीदल (तस्विरहरु)

काठमाडौं । नागरिकता विधेयक प्रमाणीकरण र प्रधानमन्त्री पुष्पकमल दाहाल ‘प्रचण्ड’ले भारत भ्रमणका क्रममा दिएको सीमासम्बन्धी अभिव्यक्तिका विषयमा आइतबार प्रतिनिधिसभा बैठक अवरुद्ध भएको छ । प्रतिपक्ष दलका सांसदहरूले बैठक अवरुद्ध गरेका हुन् ।

प्रमुख प्रतिपक्ष दल नेकपा (एमाले)सहित राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)का सांसदले उक्त विषयमा विरोध जनाए । आफ्नो आसनबाट उठेर उनीहरूले नागरिकता विधेयक तत्काल संसद्मा ल्याएर छलफल चलाउनुपर्ने माग गरे ।

आफ्नो अभिव्यक्तिका विषयमा प्रधानमन्त्री प्रचण्डले स्पष्ट पार्नुपर्ने उनीहरूको माग छ । सांसदहरूको अवरोधपछि प्रतिनिधिसभा बैठक १ घण्टाका लागि स्थगित भएको छ ।