काठमाडौं । नेपालले सीसी यू १९ प्रिमियर कपअन्तर्गत इरानलाई पराजित गरेको छ । मलेसियामा सम्पन्न खेलमा ३५४ रनको लक्ष्य पच्छ्याएको इरानलाई नेपालले २७४ रनले ले पराजित गरेको हो ।
खेलका क्रममा इरान ७९ रनमा अलआउट भयो ।
नेपालका लागि सुवास भण्डारी र दिपक कँडेलले तीन तीन विकेट लिए । भण्डारीले ८ दशमलव ५ ओभर बलिङ गर्दै जम्मा ६ रन दिए भने ७ ओभर बलिङ गरेका कँडेलले ४ रन मात्रै दिए ।
यस्तै, ७ ओभरमा १९ रन खर्चिएर हेमन्त धामीले २ र ३ ओभरमा २७ रन खर्चिएर आकाश चन्दले २ विकेट लिए ।
यसअघि टस हारेर पहिलो ब्याटिङ गरेको नेपालले कप्तान देव खनालको शतकको मद्दतमा ४०.१ ओभरमा सबै विकेट गुमाएर ३५३ रन बनाएको थियो ।
