काठमाडौं : त्रिकोणात्मक श्रृंखला अन्तर्गत नेपालले हङकङलाई २१४ लक्ष्य दिएको छ।
सुरुवाती खेलमा खराब प्रदर्शन गरेको नेपालको पारी दिपेन्द्रसिंह ऐरी र कुशल मल्लले सम्हाल्दै विशाल लक्ष्य दिएका हुन्।
नेपालका लागि मल्लले ४१ बलमा ९२ रन, ऐरीले ३४ बलमा ५७ रनको योगदान दिए। कुशल भुर्तेल २ रनमा आउट हुँदा आशिफ सेख २०, सोमपाल ८, कप्तान रोहित पौडेलले ११ रन बनाए। यस्तै सन्दीप जोरा र गुलशन झाले एक एक रन बनाए।
नेपालले ६ विकेट गुमाउँदा २१३ रन बनाएको हो।
