काठमाडौं । नेकपा एमालेनिकट युवा–विद्यार्थी र गणतन्त्रविरोधी अभियान्ता दुर्गा प्रसाईंको शक्ति प्रदर्शन सकिए उपत्याकामा यातायात आवागमन सामान्य बनेको छ ।
बिहीबार प्रदर्शनका कारण दिनभरजसो प्रभावित बनेको सार्वजनिक यातायात अपराह्नबाट सुचारु भएसँगै आवागमन सामान्य बनेको हो ।
युवा संघले कोटेश्वरस्थित तीनकुनेमा शक्ति प्रदर्शन गरेको थियो भने प्रसाईंको नागरिक बचाऊ अभियानले बल्खुमा प्रदर्शन गरेको थियो । युवा संघको आन्दोलन शान्तिपूर्ण भयो भने झडपले बल्खु तनावग्रस्त बन्यो ।
