काठमाडौँ–नेकपा एमाले अध्यक्ष केपी शर्मा ओलीले तिथि एक–पर्व अनेक भएको उल्लेख गर्नुभएको छ । उँधौली पर्व, यःमरी पुन्हि र धान्य पूर्णिमाको अवसरमा शुभकामना दिनुहुँदै अध्यक्ष ओलीले यस्तो बताउनुभएको हो ।
‘तिथि एक–पर्व अनेक ।। पूर्वी नेपालमा उल्लासमय रूपमा मनाइने उँधौली पर्व आजै हो । काठमाडौँ उपत्यकामा योमरी पुन्ही पनि आजै पर्छ । देशका विभिन्न भागमा विभिन्न कुल वंशको कुलपूजा गर्ने धान्य पूर्णिमा पनि आजै’, अध्यक्ष ओलीले सामाजिक सञ्जालमा लेख्नुभएको छ,’हाम्रो विविधता, हाम्रो पूँजी ! उँधौली पर्व, योमरी पुन्ही र धान्य पूर्णिमाको शुभकामना !’
नेवार समुदायको यःमरी पूर्णिमा, किराँत समुदायको चाड उँधौली, ज्यापु दिवस र धान्य पूर्णिमा आज एकैदिन परेको छ ।
