तपस्वी रामबहादुर बम्जन पक्राउ

काठमाडौं । लामो समयदेखि प्रहरीको खोजी सूचीमा रहेका रामबहादुर बम्जन पक्राउ परेका छन् ।  केन्द्रीय अनुसन्धान ब्युरो सीआईबीको टोलीले उनलाई काठमाडौँको  बुढानीलकण्ठ  हात्तिगौंडाबाट पक्राउ गरेको सीआईबीका प्रवक्ता नवराज अधिकारीले पुष्टि गरे ।

उनले भने  “विभिन्न उजुरीका आधारमा प्रहरीको खोजी सूचीमा रहेका बम्जनलाई सिआइबीको टोलीले बूढानीलकण्ठ क्षेत्रबाट आज साँझ ७ बजे पक्राउ गरेको हो ।”

बम्जनको आश्रमबाट आनीसहित चार जना सम्पर्कविहीन भएको उजुरी परेपछि प्रहरीले लामो समयदेखि उनको खोजी गरिरहेको थियो । बम्जनमाथि अनुयायीको हत्या गरेको, बेपत्ता बनाएको र यौन हिंसागरेको आरोप छ । सीआईबीले  बम्जनको खोजी गरिरहेको थियो ।

यसअघि प्रहरीले पुस २०७६ मा सिन्धुपाल्चोकको इन्द्रवती तथा असार २०७७ मा कमलामाई नगरपालिका रहेकाे बम्जनको आश्रममा  छापा समेत मारेको थियो ।