काठमाडौं । नेकपा (एमाले) का अध्यक्ष एवं पुर्व प्रधानमन्त्री केपी शर्मा ओलीले सबैलाई चितवन घुम्न आउन आह्वान गरेका छन् । आज भरतपुर भ्रमण वर्ष २०२४ को उद्घाटन समारोहलाई सम्बोधन गर्दै उनले चितवन पर्यटकीय हिसाबले उत्कृष्ट रहेको बताएका हुन् ।
उनले चितवन आएर चितवनको आनन्द लिनका लागि सबैलाई आग्रह गरे । ‘भरतपुर आउनुस्, भरतपुरको आनन्द लिनुस् । गीतै छ– ‘लौ हिँड चितवन, दुई दिनको जिन्दगी बिताउन’ उनले भने ।
विभिन्न कार्य व्यस्तताको कारण पनि आफू निम्तो अस्वीकार गर्न नसकेर मात्रै आएको उनले बताए । ओलीले भरतपुर महानगर प्रमुख रेनु दाहाललाई कार्यकाल थप सफल बनोस् भन्दै शुभकामना ब्यक्त गरे । प्रधानमन्त्री दाहालका साथै पूर्वप्रधानमन्त्रीहरू शेरबहादुर देउवा, केपी शर्मा ओली, माधवकुमार नेपाल, झलनाथ खनाल, पूर्वमन्त्रिपरिषद् अध्यक्ष खिलराज रेग्मी उद्घाटन समारोहमा उपस्थित भएका छन् । त्यसैगरी प्रदेशका मुख्यमन्त्री तथा प्रमुखहरू पनि सहभागी छन् ।
