इन्डियन प्रिमियर लिग (आईपीएल)अन्तर्गत बिहीबार भएको खेलमा गुजरात टाइटन्सले राजस्थान रोयल्समाथि ३७ रनको जित हात पारेको छ।
पहिला ब्याटिङ गरेको गुजरातले निर्धारित २० ओभरमा ४ विकेट गुमाउँदै १९२ रन बनायो। गुजरातका लागि हार्दिक पाण्ड्याले अविजित ८७ रन बनाए।
जवाफी ब्याटिङमा उत्रिएको राजस्थानले निर्धारित ओभरमा ९ विकेट गुमाउँदै १५५ रन मात्र बनाउन सक्यो।
गुजरातका लुकी फर्गुसनले र यास दयालले ३–३ विकेट लिए।
यससँगै गुजरात ५ खेलबाट ८ अंक जोड्दै लिगको शीर्षस्थानमा उक्लिएको छ।
