काठमाडौं । नेपाली कांग्रेसबाट विष्णुदेवी पुडासैनीले राष्ट्रियसभा उपाध्यक्षका लागि उम्मेदवारी दर्ता गराउनुभएकाे छ ।सङ्घीय संसद् भवन नयाँ बानेश्वरमा पुगेर पुडासैनीले उम्मेदवारी दर्ता गराउनुभएकाे हाे ।
पुडासैनीको प्रस्तावकमा सांसद दुर्गा गुरुङ र समर्थकमा सांसद नारायणदत्त भट्ट रहनुभएको छ । उपाध्यक्षको निर्वाचन बुधबार हुँदैछ । तत्कालीन उपाध्यक्ष उर्मिला अर्यालले पदबाट राजीनामा दिनुभएपछि निर्वाचन हुन लागेको हो ।
उम्मेदवारी दर्तापछि पुडासैनीले राष्ट्रियसभालाई गरिमामय बनाउन आफूले भूमिका खेल्ने बताउनुभयो । आफूले स्थानीय रुपमा पनि काम गरेको जानकारी दिँदै उहाँले उम्मेदवार बनाउने निर्णय गर्ने पार्टीलाई समेत धन्यवाद दिनुभयो
