लन्डन । यस वर्षको जुलाईदेखि सेप्टेम्बर बिचको अवधिमा बेलायतको अर्थतन्त्र बढ्दै नबढेको संशोधित सरकारी तथ्याङ्कले देखाएको छ । यसअघि भने सो अवधिमा अर्थतन्त्र शून्य दशमलव १ प्रतिशतले बढेको हुन सक्ने बताइएको छ । तर संशोधित तथ्याङ्कले भने वृद्धिको दर शून्य देखाएको छ ।
अर्थतन्त्रको मर्मत सम्भार गर्ने चुनौती निकै ठुलो बनेको र अक्टोबरको बजेटले दिगो दीर्घकालीन वृद्धि दिने अर्थमन्त्री र्याचेल रिभ्सले भनेकी छिन् । तर आफ्नो पछिल्लो सर्वेक्षणले अर्थतन्त्र विश्वकै खराब बन्ने बाटोमा लम्किरहेको देखाएको शीर्ष बेलायती व्यावसायिक समूह सीबीआईले बताएको थियो ।
