वासिङ्टन डिसी । चर्चित अमेरिकन युट्युबर मिस्टर विष्टले आफ्नी प्रेमिकासँग इन्गेजमेन्ट गरेका छन् । हालै विष्टले क्रिसमसको एउटा तस्बिर शेयर गरेका छन् । यसमा उनी आफ्नी प्रेमिका थिया बोयसेनलाई घुँडा टेकेर प्रपोज गरिरहेको देखिन्छन् । २६ वर्षका बिस्टको वास्तविक नाम जिमी डोनाल्डसन हो । युट्यूबमा झन्डै ३४ करोड सब्सक्राइबर भएका उनी विश्वकै चर्चित युट्युबर मध्ये एक हुन् ।
मिस्टर बिस्ट विश्वका धेरै देशहरूमा बालबालिका र युवाहरूमाझ निकै लोकप्रिय छन् । मिस्टर विष्टका इन्स्टाग्राममा ६ करोड ४० लाख र एक्समा ३ करोड १ लाख फलोअर्स छन् । दक्षिण अफ्रिकाकी थिया पनि इन्फ्लुएन्सर हुन् । उनले थियाविष्टी नामबाट एउटा युट्युब च्यानल खोलेकी छिन् । यसमा करिब ४० हजार सब्सक्राइबर छन् ।
