नेपालमा सवारी साधन बिक्रीमा आक्रामक बन्दै गएको चौधरी समुहले आज मंगलबार थापाथलीस्थित नयाँ शोरुममा जिएसी आयोन ब्राण्डको ईभी ‘आयोन वाई’ सार्वजनिक गरेको हो । नेपालमा पहिलोपटक लन्च भएको आयोन वाईको मूल्य ५४ लाख ९९ हजार रुपैयाँ कायम गरिएको जनाइएको छ । यसअघि नै नेटा भी ईभी भित्र्याइसकेको उक्त समुहले छोटो समयमा राम्रो लोकप्रियता पाएको नेटापछि आयोन नयाँ ब्रान्ड भित्र्याएको हो ।
गाडीको लम्बाई ४५ हजार ३५० एमएम, चौडाई १,८७० एमएम र उचाई १,६५० एमएम रहेको छ । यसमा २७५० एमएमको ह्वीलवेस पाउन सकिने जनाएको छ । यसलाई कम्पनीले १८ र १९ इन्चको ह्वील अप्सनमा चीनमा बिक्री गर्दै आएको बताइएको छ । चिनियाँ बजारमा उपलब्ध आयोन–वाईको ग्राउन्ड क्लियरेन्स १८३ एमएम रहेको छ । कम्पनीले यसमा १० दशमलब २५ इनचको ड्राइभर इन्फर्मेसन डिस्प्ले र १४ दशमलब ६ इन्चको इन्फोटेन्टमेन्ट सिस्टम दिएको छ ।
कप होल्डर, वायरले चार्जर पनि यसमा पाउन सकिने जनाइएको छ । जीएसी एवोन वाईमा ६१ दशमलब ५ किलोवाट आवर क्षमताको एलएफपी ब्याट्री दिइएको छ । यसलाई सिंगल चार्जमा ५०० किलोमिटर गुडाउन सकिन्छ । यसमा मोटर पनि १०० किलोवाटको छ । यसको पीकटर्क भने १७६ एनएम छ ।
