काठमाडौँ : अण्डाको मूल्य क्रेटमा ३५ रूपैयाँले घटेको छ । नेपाल लेयर्स कुखुरापालक संघका अनुसार मिडियम अण्डाको मूल्य क्रेटमा ३५ रूपैयाँले घटेको हो । यो मूल्य शुक्रबारदेखि लागू हुनेछ ।
यसअघि मिडियम अण्डाको मूल्य प्रतिक्रेट ३८५ रूपैयाँ थियो । अहिले घटेर ३५० रूपैयाँ पुगेको संघका सचिव मदन पोखरेलले बताए । ठूलो अण्डाको मूल्य प्रतिक्रेट ३० रूपैयाँले घटेको छ । अब उपभोक्ताले प्रतिक्रेट ३७० रूपैयाँ तिर्नुपर्नेछ । यसअघि प्रतिक्रेट ४ सय रूपैयाँ थियो ।
