४ मंसिर २०८३, शुक्रबार Friday, 20 November 2026
हामीलाई पछ्याउनुहोस्
४ मंसिर २०८३, शुक्रबार 7:01 pm
समाचार

शौचालयको सेप्टिक ट्यांकीमा खसेर दुई बालबालिकाको मृत्यु

सूचना प्रेस २०८२ असार ११ बुधबार ००:००, १०:१६ बजे १ मिनेट पढाइ

रौतहट, ११ असार । रौतहटको चन्द्रपुर नगरपालिका–१० मा सेप्टिक ट्यांकीमा खसेर दुई बालबालिकाको मृत्यु भएको छ ।

निबुवाटोलका गरिमा साहका छोरा एक वर्षीय रञ्जे साह र जगदीश साहकी छोरी एक वर्षीया खुश्बु साहको मृत्यु भएको जिल्ला प्रहरी कार्यालय रौतहटले जनाएको छ ।

प्रहरीका अनुसार उनीहरू खेल्ने क्रममा मंगलबार साँझ स्थानीय हृदय पासवानको शौचालयको सेप्टिक ट्यांकीमा खसेका थिए ।

उनीहरूलाई उपचारका लागि चन्द्रनिगाहपुरस्थित सरकारी अस्पताल लगिएको थियो । तर चिकित्सकले सवा ८ बजेतिर मृत घोषणा गरेको प्रहरीले जनाएको छ । घटनाबारे थप अनुसन्धान भइरहेको बताइएको छ ।