१ मंसिर २०८३, मंगलबार Tuesday, 17 November 2026
हामीलाई पछ्याउनुहोस्
१ मंसिर २०८३, मंगलबार 9:09 pm
समाचार

नेपाली सेनालाई लाञ्छना नलगाउन भूतपूर्व सैनिकहरूको आग्रह

सूचना प्रेस २०८२ आश्विन २५ शनिबार ००:००, १६:५२ बजे १ मिनेट पढाइ

काठमाडौँ । भूतपूर्व सैनिकहरू ले नेपाली सेनालाई लाञ्छना लगाउने काम नगर्न आग्रह गरेका छन्। शनिबार काठमाडौंमा पत्रकार सम्मेलन गर्दै अवकाश प्राप्त सेनानी थमनबहादुर बस्नेत, पूर्व उपरथी राजेन्द्र थापा, पूर्व सहायक रथी भरतबहादुर रायमाझी, पूर्व सहायक रथी डा. प्रेमसिंह बस्न्यात, अवकाश प्राप्त सेनानी वासुदेव अधिकारी लगायतले जेनजी आन्दोलनका क्रममा सेनाले बल प्रयोग नगरेकै कारण मुलुक सुरक्षित अवतरणको बाटोमा गएको बताएका हुन्।

सेनाका पूर्व सहायक रथी डा. प्रेमसिंह बस्न्यात ले जेन–जी आन्दोलनका क्रममा नेपाली सेनाले राष्ट्रको लागि काम गरेको बताए। उनले नेपाली सेनाले राम्रो काम गर्दा पनि बदनाम सहनुपरेको गुनासो गरे। बस्न्यातले केपी ओली, प्रचण्ड लगायतका नेताहरूलाई सेनाको विरुद्धमा बोल्नुअघि राष्ट्रिय सुरक्षा परिषद्को नियम, सैनिक ऐन हेर्न र सेनालाई मूर्ख संस्था नसोच्न सुझाव दिएका छन्। त्यसैगरी, अवकाशप्राप्त सेनानी वासुदेव अधिकारी ले जेन–जी आन्दोलनका क्रममा धेरै जनाको ज्यान जानबाट सेनाले जोगाइदिएको बताए। उनले राष्ट्रलाई असर पर्नेगरी नलेखिदिन र नबोलिदिन समेत सबैसमक्ष आग्रह गरेका छन्।