३० कार्तिक २०८३, सोमबार Monday, 16 November 2026
हामीलाई पछ्याउनुहोस्
३० कार्तिक २०८३, सोमबार 1:32 pm
समाचार

स्पा सेन्टरमा बालिकालाई जबरजस्ती अनैतिक कार्यमा लगाउने सञ्चालिका पक्राउ

सूचना प्रेस २०८३ जेष्ठ २४ आइतबार ००:००, १६:२५ बजे १ मिनेट पढाइ

ललितपुर । ललितपुरको सानेपामा स्पा सेन्टर सञ्चालन गरेर नाबालिकालाई जबरजस्ती अनैतिक कार्यमा लगाउने एक महिलालाई प्रहरीले पक्राउ गरेको छ।

सानेपाको अरुणथापा चोकमा रहेको ‘शुकल्प स्पा एण्ड थेरापी’ की सञ्चालिका सुमन थापा मगर भनिने सुमन कुमाल मानव बेचबिखन तथा ओसारपसार मुद्दामा पक्राउ परेकी हुन्।

गोरखाकाे सिरानचोक गाउँपालिका वडा नम्बर ३ स्थायी घर भई हाल ललितपुर महानगरपालिका वडा नम्बर २ सानेपा बस्ने कुमालले आफ्नो स्पा सेन्टरमा स्टाफको रूपमा कार्यरत एक बालिकालाई ललाईफकाई र विभिन्न प्रलोभनमा पारेर अनैतिक कार्यमा लगाएको प्रहरीले जनाएको छ।

स्पामा सेवा लिन आउने ग्राहकहरूको इच्छाअनुसार ती बालिकालाई जबरजस्ती अनैतिक कार्य गर्न बाध्य पारिएको सूचना प्रहरीले पाएको थियो। यस्तो गतिविधि भइरहेको विशेष सूचना प्राप्त हुनासाथ प्रहरी टोली उक्त स्पा सेन्टरमा पुगेको थियो। प्रहरीले स्पाबाट ती बालिकालाई तत्काल उद्धार गरेको छ भने सञ्चालिका सुमन कुमाललाई नियन्त्रणमा लिएको छ।

पक्राउ परेकी कुमालमाथि मानव बेचबिखन तथा ओसारपसार मुद्दामा अनुसन्धान गर्न जिल्ला अदालत ललितपुरबाट ५ दिनको म्याद थप गरिएको छ र हाल उनीमाथि विस्तृत अनुसन्धान भइरहेको छ।