१ मंसिर २०८३, मंगलबार Wednesday, 18 November 2026
हामीलाई पछ्याउनुहोस्
१ मंसिर २०८३, मंगलबार 1:30 am
Banner

बागमतीमा एमालेका मन्त्रीहरुको राजीनामा रोकियो

सूचना प्रेस २०८३ असार ३२ बिहिबार ००:००, १७:४३ बजे १ मिनेट पढाइ

काठमाडौँ । सत्ता समीकरणमा फेरबदल देखिएसँगै बागमती प्रदेशमा नेकपा एमालेका मन्त्रीहरुको राजीनामा रोकिएको छ । एमाले अध्यक्ष केपी शर्मा ओलीको निर्देशनमा एमालेका तर्फबाट कांग्रेस नेतृत्वको सरकारमा सहभागी मन्त्रीहरुको राजीनामा रोकिएको हो ।

बागमतीमा एमालेबाट ६ जना मन्त्री रहेका छन् । एमालेका तर्फबाट प्रदेश स्वास्थ्यमन्त्री रहेका किरण थापा मगरले राजीनामाको तयारी केन्द्रको निर्देशनसँग तत्कालका लागि रोकिएको बताए ।

सरकारमा एमालेबाट स्वास्थ्य मन्त्री थापासहित कृषि तथा पशुपन्छी विकास मन्त्री मधुसूदन पौडेल, भौतिक पूर्वाधार विकास मन्त्री डा.दिनेशचन्द्र देवकोटा, श्रम रोजगार तथा यातायात मन्त्री जयराम थापा,  वन तथा वातावरण मन्त्री भरतबहादुर केसी र उद्योग वाणिज्य भूमि तथा प्रशासन मन्त्री बिन्दु श्रेष्ठ रहेका छन् ।