काठमाडौं । नेकपा एकीकृत समाजवादीले आफूहरूले गरेको मन्त्री हेरफेरको निर्णय छिट्टै कार्यान्वयन गर्न प्रधानमन्त्री शेरबहादुर देउवासँग माग गरेको छ । आज बालुवाटारमा बसेको गठबन्धनको बैठकमा उक्त कुरा राखिएको एकीकृत समाजवादीका सम्मानित नेता झलनाथ खनालले जानकारी दिए ।
नेता खनालका अनुसार आजको बैठकमा मन्त्री हेरफेरको निर्णय तुरुन्तै कार्यान्वयन गर्ने प्रधानमन्त्रीलाई भनेको र प्रधानमन्त्रीले निर्णयबारे पत्र आइसकेको र कार्यान्वयन गर्ने बताएका छन । एकीकृत समाजवादीले पार्टीबाट सरकारमा सहभागी भएकाहरूलाई फिर्ता बोलाएर नयाँ मन्त्रीका लागि नाम सिफारिस गरिसकेको छ । बजेट पारितका लागि रोकिएको नेताहरू बताउँछन् । त्यसैगरी, आजको बैठकमा एसपीपीबारे पनि छलफल भएको खनालले बताए ।
