काठमाडौं । नेकपा माओवादी केन्द्रले केन्द्रीय कमिटीमा २४ जना महिला थप गरेको छ ।
केन्द्रीय समितिमा ३३ प्रतिशत महिला प्रतिनिधित्व सुनिश्चित गर्न २४ जना महिला थपिएको बताइएको छ। थपिएका केन्द्रीय महिलाहरू आजदेखि केन्द्रीय समितिको बैठकमा उपस्थित भएका छन् ।
यसअघि अध्यक्ष पुष्पकमल दाहाल प्रचण्डले बुधबारको केन्द्रीय समिति बैठकमा ३३ प्रतिशत महिला थप गर्ने प्रस्ताव पेश गरेका थिए ।
अहिले माओवादी केन्द्रको केन्द्रीय समितिमा ३८५ जना छन्, जसमा २४ जना महिला थप गरेपछि ४०९ सदस्यीय बन्नेछ ।
