काभ्रे । काभ्रेको मण्डनदेउपुर नगरपालिकाले आज थकान बिदा दिएको छ । नगरपालिकाका कर्मचारी र जनप्रतिनिधि थकित भएको भन्दै नगरपालिकाले आज थकान बिदा दिएको हो ।
नगरपालिकाले बुधबार एक विज्ञप्ति जारी गर्दै आज विहिबार असोज चार गते नगरपालिका भित्र थकान बिदा दिएको जानकारी दिएको छ ।
संविधान दिवसको अवसरमा नवनिर्मित भवनबाट सेवा प्रवाह गर्ने क्रममा तीन दिन लगातार काममा खटिँदा कर्मचारी थकित भएको नगरपालिकाको विज्ञप्तिमा उल्लेख छ ।
नगरपालिकाको मेयर टोकबहादुर वाइबा छन् । स्थानीय तह निर्वाचनमा उनी नेकपा एकीकृत समाजवादीबाट चुनाव जितेका थिए ।
