बस र ट्रक ठोक्किदा ४ जना गम्भिर घाइते

काठमाडौं । पूर्व–पश्चिम राजमार्गअन्र्तगत कपिलवस्तुको बुद्धभूमि नगरपालिका २ गोरुसिङ्गेमा यात्रुबाहक बस र ट्रक ठोकिँदा ४ जना ‘गम्भीर’ घाइते भएका छन् ।

मंगलवार साँझ दाङबाट बुटवलतर्फ आउँदै गरेको ना ५ ख ९६४१ नम्बरको यात्रुबाहक बसले सडक किनारमा रोकिराखेको ना ८ ख १९९४ नम्बरको ट्रकलाई ठक्कर दिएको थियो । दुर्घटनामा बसको बनोटमा बसेका ४ यात्रु च्यापिएका थिए ।

बसमा च्यापिएकाहरूको ४५ मिनेट लगाएर उद्धार गरिएको थियो । उद्धार कार्यमा नेपाल प्रहरी, नेपाली सेनाको शमशेर दल गण र स्थानीय खटिएका थिए ।