२ मंसिर २०८३, बुधबार Wednesday, 18 November 2026
हामीलाई पछ्याउनुहोस्
२ मंसिर २०८३, बुधबार 9:55 am
समाचार

फास्ट ट्र्याकको महादेवटार सुरुङ आज ब्रेक थ्रु हुँदै

सूचना प्रेस २०८३ मंसिर २ बुधबार ००:००, ०९:३८ बजे १ मिनेट पढाइ

हेटौंडा । तराई–मधेश द्रुतमार्ग (फास्ट ट्र्याक)अन्तर्गत मकवानपुरको महादेवटारस्थित सुरुङको आज ‘ब्रेक थ्रु’ गरिने भएको छ । सुरुङको ‘ब्रेक थ्रु’ राष्ट्रपति रामचन्द्र पौडेलको उपस्थितिमा गरिने जिल्ला प्रशासन कार्यालय मकवानपुरले जनाएको छ । राष्ट्रपति पौडेल हेलिकप्टरबाट साढे ९ बजे महादेवटार आइपुग्ने तय भएको छ ।

मकवानपुरको भीमफदी गाउँपालिका–८ बाट बकैया गाउँपालिका–१२ जोड्ने महादेवटारमा समानान्तर रूपमा दुईवटा सुरूङ निर्माणाधीन छ । आज ‘ब्रेक थ्रु’ हुने उक्त सुरुङको लम्बाइ ३ दशमलब ४४५ किमि रहेको छ ।

अर्कोतर्फको ३.४८६ किमिको सुरुङ गत भदौमा ‘ब्रेक थ्रु’ भइसकेको छ । फास्ट ट्र्याकअन्तर्गत ७ वटा सुरूङ निर्माणाधीन छन् । नेपाली सेनाले द्रुतमार्गलाई १३ वटा प्याकेजमा विभाजन गरी कार्यान्वयन गरिरहेको छ ।