काठमाडौं। प्रेसिडेन्ट गु्रपले होटल व्यवसायमा आक्रामक रुपमा लगानी बढाएको छ। मन्दीका कारण अर्थतन्त्र खस्किरहेको बेला व्यवसायी टि.आर.(शंकर) भण्डारी सहितको टीमले राजधानीका विभिन्न स्थानमा ५ वटा र काठमाडौ बाहिर गुल्मी, पोखरा, पाल्पा, जनकपुर लगायत अन्य क्षेत्रमा प्रेसिडेन्ट गु्रपले परियोजना सुरु गरिसकेको छ । यसै अन्र्तगत प्रेसिडेन्ट ग्रुपले आफ्नो १५ औँ शाखा शनिबार बिस्तार गरेको छ । सिनामङ्गलस्थित शम्भुमार्गमा निर्माण गरिएको उक्त होटलको शनिबार एक कार्यक्रमबीच नेपाल पर्यटन बोर्डका सिइओ दीपकराज जोशी र होटल सङ्घ नेपालका अध्यक्ष विनायक शाहले संयुक्त रूपमा उद्घाटन गरे ।
कार्यक्रममा बोर्डका सिइओ जोशीले पर्यटनलाई उत्कृष्ट सेवा दिन सहयोग पुग्ने विश्वास व्यक्त गरे । लगानी विस्तारसँगै आतिथ्यतामा गुणस्तरीय सेवा दिँदै आएको उनले नेपाल प्रहरीका प्रहरी नायब महानिरीक्षक दानबहादुर कार्कीले पर्यटनलाई बढावाका साथै गुणस्तरीय सेवा दिने विश्वास व्यक्त गरे । होटल सङ्घका अध्यक्ष शाहले होटल पूर्वाधारको उपयोग गरी गुणस्तरीय सेवा प्रदान गर्न सबै लग्नुपर्ने बताए ।
२५ कोठा क्षमताको एयरपोर्ट होटलमा हरेक कोठामा मिनीबारसँगै लिफ्ट, रुफटप रेष्टुरेन्ट, व्यवस्थित पार्किङ लगायतका सुविधा छन् । ‘हामीले असोज मसान्तभित्रै सञ्चालनमा आउने गरी रुपन्देहीमा अर्को आउटलेट खोल्ने तयारी गरेका छौँ, एयरपोर्टमा होटलको सेवा शुभारम्भ गर्दै ग्रुपका अध्यक्ष टीआर भण्डारीले भने, कुरिनटार, चितवनको रत्ननगर, गुल्मी, पोखरा, पाल्पा र जनकपुरमा पनि होटल विस्तार गर्ने योजना छ । काठमाडौँ, भक्तपुर र ललितपुरमा कम्तीमा ५ वटा प्रेसिडेन्ट सेकुवा सञ्चालनका लागि गृहकार्य भइरहेको छ । उनका अनुसार समूहले तीन सय जनालाई रोजगारी दिँदै आएको छ । उनीहरूमध्ये २८ जना फरक क्षमताका छन् ।
प्रेसिडेन्ट होटलमा सिस्नो चिकन, मसरुम सिस्नो, पनिर सिस्नो लगायतका सिग्नेचर मेनु समावेश छन् । एयरपोर्टमा खुलेको यो होटलले २४ सै घण्टा सेवा दिनेछ । यहाँ तीन सिफ्टमा ४० जना स्टाफ खटाइएको ग्रुपले जनाएको छ ।
गैरआवासीय नेपाली सङ्घका महासचिव सोम सापकोटाले नेपालको पर्यटनमा नयाँ स्वादसहित भिन्न ढङ्गले आउटलेट सुरु गरेको र यसले उच्च विन्दुमा पुर्याउन मद्दत पुग्ने विश्वास व्यक्त गरे । उनले नेपालमा पर्यटकलाई आतिथ्य सेवा दिन मद्दत पुग्ने बताए ।
प्रेसिडेन्टल गु्रपको नेतृत्वमा आगामी ३ बर्षभित्र देशभर कम्तिमा अन्य १० स्थानमा राम्रा होटल सञ्चालनमा ल्याउने व्यवसायी सोम सापकोटाले बताए । नेपालमा पर्यटकको संख्या बढाउन र नेपालमै केही गर्ने सोच भएका युवालाई प्रोत्साहन गर्ने आफुहरुले काम गरिरहेको उनको भनाइ छ । काठमाडौको सुन्धाराबाट २०६३ सालदेखि शुरु भएको प्रेसिडेन्ट होटलको हाल बालाजुमा ३ वटा, चितवनमा २ वटा, पुरानो बानेश्वर, बत्तिसपुतलि, महाराजगञ्ज, रविभवन लगायत १४ स्थानबाट ग्राहकलाई सेवा प्रदान गदै आईरहेको छ । प्रेसिडेन्ट गु्रपमा टि आर भण्डारीसहित कृष्ण भण्डारी, यज्ञ पन्त, दिनेश सापकोटा, एनआरएनका उपमहासचिब सोम सापकोटासहितको लगानी रहेको छ ।
