काठमाडौं । नेपाल प्रिमियर लिग अन्तर्गत आजको खेलमा काठमाण्डु गोर्खाजले पोखरा एभेन्जर्सलाई पराजित गरेको छ । त्रिवि क्रिकेट मैदानमा भएको खेलमा काठमाडौंले पोखरालाई १३ रनले पराजित गर्दै प्लेअफमा प्रवेश गरेको हो । पोखराको भने प्लेअफमा पुग्ने सम्भावना कठिन बनेको छ ।
यसअघि सुदूरपश्चिम रोयल्सले प्लेअफमा पुगिसकेको छ । अब थप दुई टोलीले प्लेअफमा पुग्नेछन् । आजको खेलमा काठमाण्डुले दिएको १६६ रनको लक्ष्य पछ्याएको पोखरा २० ओभरमा १५२ रनमा समेटियो । पोखराका लागि ऋषि धवनले सर्वाधिक ५४ रन बनाए ।
