एसियन कप छनोटमा नेपालको दोस्रो हार

काठमाडौं । एएफसी एसियन कप छनोट प्रतियोगितामा नेपाल शनिबार राति घरेलु टोली कुवेतसँग ४–१ ले पराजित भएको छ । यो हारसँगै चीनमा आयोजना हुने एसियन कपमा छनोट हुने नेपालको सम्भावना समाप्त भएकाे छ । 

कुवेतस्थित जबेर अल अहमद अन्तर्राष्ट्रिय रंगशालामा घरेलु टोलीले २८औं मिनेटमा अग्रता लिएको थियो । कुवेतले फहाद हम्मौद अल रशिदीले गरेको गोलबाट अग्रता लिएको थियो । नेपालका मुख्य प्रशिक्षक अब्दुल्लाह अल्मुताइरीले पहिलो खेलमा जोर्डनविरुद्ध खेलेको टोलीमा आज कुनै परिवर्नत गरेका थिएनन् । पहिलो हाफमा १–० ले पछि परेको नेपालले दोस्रो हाफमा तीन गोल खाएको थियो ।