हेटौंडा । मकवानपुरको भिमफेदी गाउँपालिका–८ बैदमारमा पिकअप दुर्घटना हुँदा दुईजनाको मृत्यु भएको छ ।
मंगलबार राति करिब १०ः५० बजे इपातर्फ जाँदै गरेको बा.प्र.०१–०३३ च २१४४ नम्बरको पिकअप अनियन्त्रित भई सडकबाट करिब १०० फिट तल खोलामा खसेर दुर्घटना भएको प्रहरीले जनाएको छ
टोलीले गम्भीर घाइते अवस्थामा रहेका चालक र एक यात्रुको उद्धार गरेको थियो ।
दुर्घटनामा सिन्धुलीको कमलामाई नगरपालिका–९ भिमान निवासी करिब ४०/४२ वर्षीय बोधराज बुढाथोकी र बाराको पचरौता नगरपालिका–७ निवासी २१ वर्षीय सूर्य यादव गम्भीर घाइते भएका थिए ।
बुढाथोकी नेपाली सेनाका पूर्वहवल्दार हुन् । यादव फास्ट ट्र्याकमा इञ्जिनियरका रूपमा कार्यरत रहेको जनाइएको छ ।
घाइते दुवैलाई उपचारका लागि हेटौंडा अस्पताल ल्याइएकोमा आज बिहान चिकित्सकले मृत घोषणा गरेका थिए ।
