काठमाडौं । नेकपा एमालेनिकट नेपाल खेलकुद महासंघले आफ्नो स्थायी कमिटीको पहिलो पूर्ण बैठक सम्पन्न गरेको छ । त्रिपुरेश्वरबाट बानेश्वर १० काठमाडौंमा केन्द्रीय कार्यालय सारेको महासंघले नयाँ कार्यालयमा यो बैठक गरेको हो ।
प्रमुख अतिथिमा नेपाल खेलकुद महासंघका इन्चार्ज तथा नेकपा एमालेका पोलिटब्यूरो सदस्य गोकुल बाँस्कोटा रहेका थिए । त्यस्तै, नेपाल खेलकुद महासंघका सहइन्चार्ज रमेश पौडेलको विशिष्ट आतिथ्यमा कार्यक्रम गरिएको थियो ।
नेपाल खेलकुद महासंघका अध्यक्ष कृष्ण बस्नेत (पर्शुराम बस्नेत)को अध्यक्षतामा सम्पन्न बैठकमा महासंघका प्रदेश इन्चार्जहरुले आआफ्नो प्रदेशमा भएको गतिविधि र खेलकुद महासंघको प्रगति तथा कार्यक्रमबारे विवरण सुनाएका थिए । बैंठकमा अध्यक्ष बस्नेतले गठबन्धन सरकारले खेलकुदको बजेट बिनियोजन गर्दा पहिलेको तुलनामा घटाएको भन्दै दुख व्यक्त गर्नुभयो । साथै तिनै तहको सरकारलाइ खेलकुदमा बजेट बिनियोजन गराउन र बार्षिक हुने खेलकुद व्यबस्थापन गर्न दिपेन्द्र दाहालको नेतृत्वमा बिशेष खेल अभियान उपसमिति समेत निर्माण गरेको छ । बैठकले भदौ अन्तिम साता राष्ट्रिय भेला गरेर ३० वैशाखमा सम्पन्न भएको स्थानीय तह निर्वाचनमा जित निकालेका महासंघका सदस्य तथा विभिन्न पदाधिकारीहरुलाई बधाई कार्यक्रम गर्ने निर्णय गरेको छ ।
त्यस्तै, यो बैठकले ११ असारभित्र काठमाडौं मेट्रो स्पोर्ट्स कार्यक्रम पनि गर्ने निर्णय गरेको छ । नयाँ कार्यालयको व्यवस्थापनाको जिम्मेवारी विभिन्न सदस्यहरुलाई यो बैठकले दिएको छ ।
