काठमाडौं । प्रभु बैंकले विगतझै यस वर्ष पनि सरोकारवाला सम्पूर्णलाई लक्षित गर्दै ग्राहकको वित्तीय आवश्यकता सहज, सरल र किफायती रूपमा पूरा गर्ने उद्देश्यसहित आकर्षक घर कर्जा तथा सवारीसाधन कर्जा योजना सार्वजनिक गरेको छ ।
बैंकका अनुसार यस योजनाअन्तर्गत घर कर्जाका लागि अधिकतम सिमा ३ करोड रुपैयाँसम्मका लागि कर्जाको अवधि अधिकतम २५ वर्षसम्म रहने गरी कर्जाको सेवा शुल्क मात्र ०.५० प्रतिशत तथा ब्याजदर औसत आधार दरमा थप ०.५० प्रतिशत प्रतिवर्ष मात्र कायम गरिएको छ भने यस सुविधा देशभरीका बैंकका ३०० वटा शाखामार्फत उपलब्ध गराइनेछ । यस योजनाअन्तर्गत घर तथा अपार्टमेन्ट खरिद, घर निर्माण तथा मर्मत साथै घर निर्माण गर्ने प्रयोजनका लागि जग्गा खरिद गर्न चाहने ग्राहकहरूलाई सहज र सरल रुपमा वित्तीय पहुँच उपलब्ध गराइनेछ ।
त्यसैगरी, बैंकले सवारीसाधन कर्जा योजनाअन्तर्गत व्यक्तिगत प्रयोजनका लागि सवारीसाधन खरिद गर्न अधिकतम ७ वर्षसम्मको कर्जा सुविधा सार्वजनिक गरेको छ । यस योजनामा पनि सेवा शुल्क मात्र ०.५० प्रतिशत तथा ब्याजदर औसत आधार दरमा थप ०.५० प्रतिशत प्रतिवर्ष मात्र कायम गरिएको बैंकले जनाएको छ । साथै, कर्जाका लागी सम्पूर्ण कागजात पेश गरिएको दुई कार्यदिनमा नै डेलिभरी अडर्र उपलब्ध हुनेछ । जसले ग्राहकहरूलाई आकर्षक दरमा सवारीसाधन खरिद गर्ने सहज अवसर प्रदान गर्दछ ।
प्रभु बैंकले आफ्ना ग्राहकहरूलाई छिटो, सरल तथा पारदर्शी कर्जा प्रक्रिया, गुणस्तरीय सेवा तथा विश्वसनीय बैंकिङ अनुभव प्रदान गर्न निरन्तर प्रयासरत रहेको जनाएको छ । यो योजना बैंकका सम्पूर्ण शाखामार्फत प्राप्त गर्न सकिने बैंकले जनाएको छ ।
बैंकले देशभरीका ३०० शाखा तथा ६६ एक्सटेन्सन काउन्टरमार्फत बैंकिङ सेवा सुविधाहरु दिँदै आइरहेको छ ।
