काठमाडौँ । नेपाली कांग्रेसले आगामी मंसिर ४ गते हुने प्रतिनिधि सभा र प्रदेश सभाको चुनावका लागि घोषणापत्र आज सार्वजनिक गरेको छ ।
शनिबार पार्टी केन्द्रीय कार्यालयमा आयोजित कार्यक्रममा सभापति शेरबहादुर देउवाले घोषणापत्र सार्वजनिक गर्नु भएको हो ।
कांग्रेसले ५२ पेज लामो चुनावी घोषणापत्र जारी गर्दै संसद विघटन नगर्ने प्रतिबद्धता जनाएको छ । घोषणा पत्रमा संविधान संशोधन गरेर सबै समुदायलाई अधिकार दिने उल्लेख गरीएको छ ।
