काठमाडौँ । राष्ट्रपति रामचन्द्र पौडेलले तीन मन्त्री नियुक्त गरेका छन् । प्रधानमन्त्री प्रचण्डले आज नवौं पटक मन्त्रिपरिषद् विस्तारका गर्दै तीन मन्त्रीको नाम सिफारिस गर्नुभएको थियो ।
राष्ट्रपतिले कानुनमन्त्रीमा धनराज गुरुङ, स्वास्थ्य मन्त्रीमा मोहन बस्नेत र युवा तथा खेलकुद मन्त्रीमा डिगबहादुर लिम्बुलाई नियुक्त गर्नुभएकाे हाे । मन्त्री बनेका तीनै जना कांग्रेसबाट मन्त्री बन्नुभएकाे हाे ।
कांग्रेसले पाएको ८ मन्त्रालयमा यसअघि नै देउवाले आफू निकटका ५ जनालाई मन्त्री बनाइसकेका छन् । याेसँगै कांग्रेसकाे भागमा पाएको आठ वटै मन्त्रालयले पूणता पाएको छ तर, प्रचण्ड नेतृत्वको मन्त्रिपरिषद्ले भने अझै पूर्णता पाउन सकेको छैन । नवनियुक्त मन्त्रीहरुको बिहीबार दिउँसो ३ बजे शपथ ग्रहण हुने राष्ट्रपति कार्यालयका एक अधिकारीले जानकारी दिनुभयाे ।
